Mütəxəssislər dünyanın əksər bölgəsində peyvəndlənmə səviyyəsinin azalmasının qızılca kimi peyvəndlə qarşısı alına bilən xəstəliklərin yenidən yayılması riskini artırdığı barədə xəbərdarlıq edirlər.

Aztibb.az "Posta" nəşrinə istinadən yazır ki, professor Şevket Özkaya sözlərinə görə, peyvənddən imtina halları xüsusilə 2015-ci ildən etibarən kəskin artıb. 

Professor peyvəndlərlə bağlı tərəddüdlərin çoxaldığını, xüsusilə sosial şəbəkələrdə yayılan peyvənd əleyhinə təbliğatın bu tendensiyaya təsir göstərdiyini vurğulayıb və peyvəndlərin əhəmiyyətinin elmi məlumatlar əsasında qiymətləndirilməsinin vacibliyini bildirib.

Qeyd edib ki, Ümumdünya Səhiyyə Təşkilatı və UNICEF-in birgə hesabatında Avropa və Mərkəzi Asiyada qızılca hallarının son 25 ilin ən yüksək səviyyəsinə çatması ilə bağlı məlumatlar da narahatlıq doğurur.

Şevket Özkaya uşaqlıq dövründə peyvəndlə qarşısı alına bilən bir çox xəstəliyin peyvəndlənmənin azalması fonunda yenidən yayılma riski daşıdığını bildirib. O, qızılca, parotit, məxmərək, qrip və suçiçəyinə qarşı peyvəndlərin əhəmiyyətini vurğulayaraq, uşaqların peyvəndlərinin vaxtında aparılmasının vacibliyini qeyd edib.

Mütəxəssis, həmçinin qızılcaya qarşı peyvəndlənmə səviyyəsinin 95 faizdən yüksək olduğunu bildirərək, profilaktik tədbirlərin davam etdirilməsinin vacibliyinə diqqət çəkib.