ABŞ-də cərrah xəstəni özündən 55 kilometr məsafədə əməliyyat edib  
01.11.2026 16:13

Amerikalı cərrah Vipul Patel xərçəng xəstəliyindən əziyyət çəkən pasiyent üzərində prostat vəzinin çıxarılması üzrə əməliyyatı ilk dəfə olaraq məsafədən həyata keçirib. O, əməliyyat otağından təxminən 55 kilometr uzaqlıqda yerləşən xəstəxanadan robotlaşdırılmış sistemi idarə edib.

 

Aztibb.az-ın nypost.com-a istinadla məlumatına görə, əməliyyat ABŞ-nin Florida ştatında keçirilib. 66 yaşlı pasiyent Minneola şəhərindəki “AdventHealth” xəstəxanasında olub, Patel isə Orlandonun yaxınlığında yerləşən Selebreyşn şəhərindəki “AdventHealth Celebration” tibb mərkəzindən əməliyyatı idarə edib. Həkim robotlaşdırılmış telecərrahiyyə sisteminin köməyi ilə cərrahi alətləri məsafədən idarə edərək prostat vəzini uğurla çıxarıb.

 

Əməliyyat zamanı pasiyentin yanında başqa bir ixtisaslı cərrah da olub. Əməliyyatdan sonra kişinin vəziyyəti sabit qalıb.

 

Bu prosedur ABŞ-nin Qida və Dərman Administrasiyasının (FDA) təsdiqlədiyi klinik tədqiqat çərçivəsində həyata keçirilib. Tədqiqatın məqsədi məsafədən robotlaşdırılmış cərrahiyyənin təhlükəsizliyini, effektivliyini və texniki imkanlarını qiymətləndirməkdir.

 

Vipul Patelin sözlərinə görə, gələcəkdə bu texnologiya iri tibb mərkəzlərindən uzaqda yaşayan insanların ixtisaslaşmış tibbi yardıma çıxış imkanlarını genişləndirə bilər.

 

Tədqiqat çərçivəsində daha əvvəl də Orlando və Anqolanın paytaxtı Luandadakı xəstəxanalar arasında məsafədən robotlaşdırılmış əməliyyatlar aparılıb. Həmin tibb müəssisələri arasındakı məsafə 11 min kilometrdən çox olub.

 

Tədqiqatçılar texnologiyanın imkanlarını qiymətləndirməyə davam edirlər. Hazırda bu üsul klinik sınaq mərhələsindədir və onun daha geniş tətbiqinə başlanılması üçün məsafədən aparılan əməliyyatların təhlükəsizliyi və etibarlılığı təsdiqlənməlidir.

ÇOX OXUNANLAR
 ATU-da orqan donorluğu və transplantasiyanın aktual məsələləri müzakirə olunub   
Şirvan ŞMX-da üst çənə sinusunun kistasının xaric edilməsi əməliyyatı uğurla icra olunub
Probiotiklərin orqanizmə təsiri nədir və hansı hallarda istifadəsi tövsiyə oluna bilər?
 Qobustan RMX-nın Ərəbşalbaş kənd həkim məntəqəsində səyyar tibbi müayinələr təşkil olunub   
Dövlət Tibbi Sığorta və Ekspertiza Agentliyinin təşkilatçılığı ilə şəhid ailələri üçün sağlamlıq aksiyasına start verilib
Şəhid anasının dalağında aşkarlanan çoxsaylı kistalarla əlaqədar laparoskopik üsulla cərrahi əməliyyat icra olunub
Yeni Klinikanın elmi tədqiqatı Dünya Neyroreabilitasiya Konqresində təqdim olunub
Səhiyyə Nazirliyinin dəstəyi ilə Tərtər və Suqovuşanda kardioloji AKSİYA
                  Qızıl birləşmələrini metal qızıla çevirən bakteriya aşkar edilib                        
Tibb elmləri doktoru Rəşad Şolan Türk Dünyası Transplantasiya Cəmiyyətinin Azərbaycanda rəsmi nümayəndəsi təyin olunub  
İlon Mask: Görmə qabiliyyətini bərpa etməyə yönəlmiş beyin implantı sınaqlara hazırdır
Bağırsağın quruluşundan ilhamlanan bakterial bioelement hazırlandı
Diabet və piylənmənin dərmansız müalicəsi istiqamətində yeni texnologiya - Qanda şəkəri və bədən çəkisini tənzimləyən elektron cihaz
Xankəndi şəhərinin təcili tibbi yardım əməkdaşları stasionardan kənar doğuşu uğurla həyata keçiriblər  
Səhiyyə naziri Anar Bayramov 3-cü Beynəlxalq Sağlamlıq Turizmi Konfransında iştirak edib