Diyetoloq Anna Basova orucun xüsusilə 20 yaşdan kiçik insanların beyin və sinir sisteminin inkişafına mənfi təsir göstərə biləcəyi barədə xəbərdarlıq edib.

Aztibb.az "Actualnews" portalına istinadən yazır ki, həkimin sözlərinə görə, zülal böyümə və inkişaf, o cümlədən əzələ kütləsinin artması, orqanların, toxumaların, həmçinin hormonların və immun sisteminin formalaşması üçün lazımdır.

Orucluqda ən çox qəbul edilən qidalar orqanizmin zülal ehtiyacını tam ödəyə bilmir. Bundan əlavə, onları həzm etmək daha çətindir və məhsulların özlərində əsas amin turşularının tam dəsti yoxdur.

Diyetoloq oruc tutan gənclərin bu prosesdən sağalmasının böyüklərə nisbətən daha uzun sürəcəyini də vurğulayıb. Buna görə də o, mərkəzi sinir sisteminin və beynin formalaşdığı bədənin aktiv böyüməsi dövründə məhdudiyyətlərdən çəkinməyi tövsiyə edib.

Ümumiyyətlə diyetoloqlar orucun yaşlı insanların, xüsusən də xroniki xəstəliklərdən əziyyət çəkənlərin sağlamlığına mənfi təsir göstərə biləcəyini bildirilər. Həmçinin, yaşlı insanlar zülal və enerji çatışmazlığı ilə üzləşə bilər, çünki vaxtında qidalanmamaları həmişə onları kifayət qədər enerji ilə təmin edə bilmir.