Psoriaz bədənin müxtəlif nahiyələrində, müxtəlif formada və ölçüdə, dərinin üst qatlarında eroziyalı yaraların tapılması ilə özünü büruzə verir. Adətən dərinin zədələnməsi və müxtəlif ölçüdə lövhəciklərin yaranması heç də sabit bir formada olmur. Ölçü böyüyə və qalınlaşa bilir. Qızartılı qabıqlannın yaralar qalınlaşırüst qatı quruyur və tədricən ovalanır.

Aztibb.az xəbər verir ki, dermatoloq Maqsud Ağazadənin sözlərinə görə, müxtəlif yağ və kremlərlə nəmləndirdikdən sonra üst səthi çox asanlıqla ovalanır, dəridə qızartılar qalır. Bir müddətdən sonra bütün proseslər təkrarlanır. Beləliklə xəstəlik uzun illər və yaxud ömrü boyu xəstəni müşayiət edir.

Həkim qeyd edib ki, psoriazın əksər növlər mülayim və orta dərəcədə olur. Bununla belə, bəzi psoriaz növləri ağır ola bilər.

"Psoriazın yoluxucu və keçirici xarakterli olmayan bir xəstəlikdir. Psoriazın müalicəsi mərhələli şəkildə aparılır. İlk mərhələ 45-60 gün davam edir və bu müddət ərzində xəstəlik vizual olaraq çəkilir, amma bu müalicənin bitməsi demək deyil. Ondan sonra orqanizmin funksional bərpasına yönəldilmiş mərhələ başlayır və xəstə daha 45-60 gün müalicə alır. Nəticədə xəstə sağalır və normal həyata qayıdır. Müalicənin tamamlanmasına baxmayaraq xəstə 2-3 il ərzində, ildə 2 dəfə olmaqla profilaktik müalicə kursu almalıdır. Məqsəd xəstəliyin yenidən baş qaldırmasının qarşısını almaqdır, mütləq xarakter daşımır", - deyə dermatolq vurğulayıb.