Heriatr, professor Kirill Proşçaev sağlam qocalmanın təmin edilməsinin əsas prinsiplərini sadalayıb.

Aztibb.az “Gazeta” nəşrinə istinadən xəbər verir ki, professor ömrü boyu koqnitiv ehtiyat yaratmağın vacib hazırlıq olduğunu deyib:

“Təhsil və yeni şeylər öyrənmək bizə qocalıqda idrak funksiyalarımızı qorumağa kömək edir. Ona görə də bütün ömrün boyu oxumalısan”, - ekspert müsahibəsində bildirib.

Mütəxəssisin sözlərinə görə, skelet əzələ kütləsinin və əzələ funksiyasının itirilməsinin qarşısını almaq üçün fiziki aktivliyi saxlamaq lazımdır.

Qeyd edib ki, tibbi müayinə və peyvəndlərə xüsusi diqqət yetirilməlidir.

Yaşla birlikdə itirilmiş bədən funksiyalarını da vaxtında kompensasiya etmək lazımdır.

“Məsələn, müxtəlif səbəblərdən yaşla eşitmə qabiliyyəti azalırsa, o zaman eşitmə cihazları lazımdır. Bu çox vacibdir, çünki eşitmə xarici aləmlə düzgün təması təmin edir və itirildikdə depressiya və demans riski artır”, - deyə ekspert yekunlaşdırıb.