Rusiya Federasiyası Səhiyyə Nazirliyinin Rusiya Uşaq Klinik Xəstəxanasında (RDÇ) böyrəyində çoxlu iri anevrizma olan uşağı əməliyyat ediblər.

Aztibb.az “Gazeta” nəşrinə istinadən xəbər verir ki, Murmansk vilayətinin 8 yaşlı sakini baş ağrılarından əziyyət çəkməyə başlayıb, ürəkbulanma və qusma yaranıb, qan təzyiqi pozulub.

Uşağın valideynlərinin həkimə mürəciətindən sonra müəyyən edilib ki, sağ böyrək arteriyası çoxsaylı iri anevrizma nəticəsində zədələnib. Onların qopması riski səbəbindən uşağa təcili cərrahi müalicə tələb olunub.

Yerli həkimlər uşağı Moskvaya göndəriblər. Paytaxtdakı Rusiya Uşaq Klinik Xəstəxanasında həkimlər anevrizmaların ölçüsü arteriyadan bir neçə dəfə böyük olduğu üçün balaca xəstənin ciddi təhlükədə olduğunu müəyyən ediblər. Anevrizma yırtılırsa, nəticə ölümcül olardı. Cərrahlar əməliyyat zamanı böyrəyi xilas etməyə çalışacaqlarına qərar veriblər.

Bütün lazımi manipulyasiyaları həyata keçirmək üçün orqan uşağın bədənindən çıxarılıb.

Həkimlər bütün anevrizmalardan xilas ola biliblər. Gənc xəstə hazırda özünü yaxşı hiss edir.

Qeyd edək ki, böyrək arteriyasının anevrizması renal damar divarının qabarmasıdır. Həqiqi və psevdoanevrizmalar müşahidə edilir. Erkən mərhələlərdə simptomsuz gedir, anevrizmanın ölçüləri böyüdükcə bel nahiyəsində ağrı və ümumi intoksikasiya əlamətləri yaranır, sidik-ifrazat sisteminin funksiyaları pozulur.