Novosibirskdə həkimlər 115 dərəcə skoliozu olan qızı xilas ediblər. 13 yaşlı məktəbli qızın kardiostimulyatoru olub, ona görə də bir çox klinikalar onu əməliyyat etməkdən imtina ediblər.
Aztibb.az “Arqumentı i faktı” nəşrinə istinadən xəbər verir ki, xəstə davamlı bel ağrılarından əziyyət çəkirdi, çox ağlayırdı və çox narahat idi. Qızın anası onurğasında problemləri qızın beş yaşı olanda görüb.
Anası körpəni sanatoriyalara aparıb, masaj və fizioterapiya etdirib, hovuza yazdırıb. 10 yaşında vəziyyət pisləşməyə başlayıb. İki il ərzində uşaqda ciddi əyrilik yaranıb. 2022-ci ildə isə xəstənin ürəyində problemlər yaşamağa başlayib. Nəticədə həkimlər ona ürək stimulyatoru veriblər.
Qız ortopedik problemləri olan uşaqlar üçün xüsusi məktəbdə təhsil alıb. Nəhayət ailə bir neçə dəfə rədd cavabı alandan sonra Novosibirsk klinikasına müraciət edib.
Həkimlər çətin bir işi öhdələrinə götürməyə qərar veriblər.
Əməliyyatdan sonra xəstənin boyu da səkkiz santimetr uzanıb. Deformasiya dörd dəfə azalıb.
İndi qövs 30 dərəcədir ki, bu da kənardan demək olar ki, görünməzdir. Məktəbli qız özünü yaxşı hiss edir. O, altı ay ərzində reabilitasiya kursundan keçəcək.