Alimlər Nobel mükafatlı Crispr gen redaktə texnologiyasından istifadə edərək yoluxmuş hüceyrələrdən HİV-i uğurla aradan qaldırdıqlarını açıqlayıblar.

Aztibb.az “TRT Haber”ə istinadən xəbər verir ki, sözügedən araşdırmada gen redaktə texnologiyası qayçı kimi işləyir və DNT-ni molekulyar səviyyədə kəsir, beləliklə, "pis" hüceyrələr çıxarıla və ya zərərsizləşdirilə bilər.

Əsas məqsəd orqanizmi virusdan tamamilə təmizləməkdir. Ancaq bunun təhlükəsiz və effektiv olub olmadığını yoxlamaq üçün daha çox araşdırmaya ehtiyac var.

İlkin nəticələrinin xülasəsini təqdim edən Amsterdam Universitetinin komandası onların işlərinin yalnız "konsepsiya sübutu" olaraq qaldığını bildiriblər.

Bu hüceyrə analizlərinin nəticələrinin gələcək terapiya üçün bütün bədənə tətbiq oluna biləcəyini göstərmək üçün daha çox iş tələb olunacaq.

Mövcud HİV dərmanları virusu dayandıra bilər, lakin onu aradan qaldıra bilməz.

İİV-ə yoluxmuş insanların əksəriyyəti ömürlük antiretrovirus müalicəyə ehtiyac duyur. Bu dərmanları qəbul etməyi dayandırsalar, yatmış virus yenidən oyana bilər.