Bu barədə Aztibb.az-a Beyləqan RMX-dan xəbər verilib.

 

Bildirilib ki, ev ziyarətləri çərçivəsində hərəkət məhdudiyyəti olan, yaşlı, xroniki xəstəliklərdən əziyyət çəkən və tibb müəssisəsinə müraciət etməkdə çətinlik çəkən vətəndaşlara yerində tibbi xidmət göstərilir. Pasiyentlərin sağlamlıq vəziyyəti qiymətləndirilir, arterial təzyiq və digər həyati göstəricilər yoxlanılır, həkim tövsiyələri verilir, zərurət olduqda isə əlavə müayinə və müalicə üçün aidiyyəti üzrə yönləndirmə aparılır.

 

Bu xidmətin əsas məqsədi əhalinin keyfiyyətli və əlçatan ilkin səhiyyə xidməti ilə təmin olunması, xəstəliklərin erkən aşkarlanması və vətəndaşların sağlamlığının qorunmasına töhfə verməkdir.