Bu barədə Aztibb.az-a məlumat verən Qəbələ Rayon Mərkəzi Xəstəxanasının İnfeksiyaların Profilaktikası və İnfeksion Nəzarət üzrə tibb bacısı Leyla Əsgərova bildirib ki, sadə gigiyena qaydalarına riayət etməklə xəstəxanadaxili infeksiyaların yaranma riskini əhəmiyyətli dərəcədə azaltmaq mümkündür.

 

Onun sözlərinə görə, hər bir pasiyent və ziyarətçi aşağıdakı qaydalara əməl etməlidir:

Əllərinizi mütəmadi olaraq sabunla yuyun və ya spirt tərkibli dezinfeksiyaedici vasitələrdən istifadə edin.

Xəstə ilə təmasdan əvvəl və sonra əl gigiyenasına riayət edin.

Öskürək və ya asqırma zamanı ağız və burnunuzu salfet və ya dirsək bükümü ilə örtün.

Özünüzü xəstə hiss etdiyiniz halda xəstəxana ziyarətini təxirə salın.

Tibb işçilərinin göstəriş və tövsiyələrinə əməl edin.

 

"Unutmayaq ki, xəstə təhlükəsizliyi hər kəsin məsuliyyətidir. Gigiyena qaydalarına əməl etməklə həm öz sağlamlığımızı, həm də ətrafımızdakı insanların sağlamlığını qoruya bilərik", - deyə o, bildirib.