Naxçıvan Muxtar Respublikası Səhiyyə Nazirliyinin təşkilatçılığı ilə "Yoluxucu Xəstəliklər Mərkəzi" PHŞ, "Ağciyər Xəstəlikləri Dispanseri" PHŞ və Y.Budaqov adına Psixi Xəstəliklər Dispanserinin ixtisaslı həkim briqadası tərəfindən Babək rayonunun Gərməçataq Kənd Tibb Məntəqəsində növbəti tibbi müayinə aksiyası təşkil olunub.
Naxçıvan MR Səhiyyə Nazirliyindən Aztibb.az-a verilən məlumata görə, aksiya zamanı sakinlər yoluxucu xəstəliklər, ağciyər xəstəlikləri, dəri xəstəlikləri və psixiatrik xəstəliklər üzrə müayinələrdən keçirilib, ehtiyacı olan vətəndaşlara müvafiq tibbi məsləhətlər və müalicə təyinatları verilib.
Keçirilən müayinələr nəticəsində ağciyər xəstəlikləri üzrə 2, yoluxucu xəstəlikləri üzrə 5, dəri xəstəlikləri üzrə 2, psixiatrik profil üzrə isə 2 nəfər müayinə olunub.
Əhalinin sağlamlığının qorunması, xəstəliklərin erkən aşkarlanması və tibbi xidmətlərin əlçatanlığının artırılması məqsədilə bu cür tibbi müayinə aksiyalarının muxtar respublikanın müxtəlif yaşayış məntəqələrində davam etdirilməsi nəzərdə tutulur.
