Heydər Əliyev Fondunun “Talassemiyasız həyat naminə” proqramı çərçivəsində Göygöl Rayon Mərkəzi Xəstəxanasında könüllü qanvermə aksiyası keçirilib.

Xəstəxanadan Aztibb.az-a bildirilib ki, Göygöl Rayon İcra Hakimiyyətinin dəstəyi və Respublika Qan Bankının təşkilatçılığı ilə baş tutan aksiyada rayonun müxtəlif idarə, müəssisə və təşkilatlarının əməkdaşları, eləcə də ictimaiyyət nümayəndələri fəal iştirak ediblər. Hər bir donor həkim müayinəsindən keçdikdən sonra aksiyaya qoşulub.

Toplanan qan irsi qan xəstəliklərindən (talassemiya, hemofiliya və s.) əziyyət çəkən vətəndaşlarımızın müalicəsində istifadə olunacaq.