Stress səbəbiylə ən diqqətli və intizamlı insan belə aqressiv və kobud olur.

Aztibb.az "Pravda" nəşrinə istinadən yazır ki, mütəxəssislərin sözlərinə görə, kəskin stressə cavab olaraq simpatik sinir sistemi qana qlükozanın ifrazını stimullaşdırır, tənəffüsü və ürək döyüntüsünü artırır, böyrəküstü vəzilər isə kortizol və adrenalin hormonlarını ifraz edir. Bədən belə mübarizə aparır və 15-50 dəqiqə belə həyəcanlı vəziyyətdə qala bilir.

Stressi necə idarə etmək olar?

Bədəninizi sakitləşdirin. Qollarınızı ətrafınıza sarıb yelləyə bilərsiniz. Özünü qucaqlamaq stres reaksiyasını azaldır.

Əgər artan stress reaksiyasının əlamətlərini hiss edirsinizsə, dayandırın. Oturduğunuz yerdən qalxıb ətrafda gəzə, nəfəsinizə diqqət yetirməyə və onu yavaşlatmağa çalışa bilərsiniz.

Stress haqqında bir kağız parçasına yazın. Vəziyyəti təsvir etmə mexanizmi stressin öhdəsindən gəlməyə kömək edir. Çox vaxt bu şəkildə insan əsas stressor kimi nəyin xidmət etdiyini başa düşə, hadisəni nəzərdən keçirə və bundan sonra nə edəcəyinə qərar verə bilər.

Sevdiyiniz işlə məşğul ola, kafe və ya kinoteatra gedə və ya dostlarınızla vaxt keçirə bilərsiniz. Sizi xoşbəxt edən nə varsa bu stres reaksiyasını azaltmağın effektiv üsuludur.

Ən çətin halda psixoloqa müraciət edin. Mütəxəssis sizə stress narahatlıqlarınıza düzgün bucaqdan baxmağa, səbəbini tapmağa və həlli üçün hədəflərinizi planlaşdırmağa kömək edəcək.