ABŞ-da müalicə alan təxminən 450 xəstə venadaxili dərmanların düzgün tətbiq edilməməsi səbəbindən hepatit və HİV-ə məruz qalıb. Mümkün məruz qalma birdəfəlik avadanlığın təkrar istifadəsi nəticəsində yaranıb.

Aztibb.az “TRT Haber”ə istinadən xəbər verir ki, ABŞ-ın Massaçusets ştatındakı xəstəxananın açıqlamasına görə, bu ilin əvvəlində az sayda endoskopiya xəstəsi venadaxili dərmanların düzgün qəbul edilməməsi səbəbindən infeksiyaya məruz qalıb.

Ucunda kiçik işıqlı kamera olan cihazın xəstənin boğazına daxil edilərək yemək borusu, mədə və bağırsaqlara baxmaq üçün istifadə edildiyi əməliyyatlara endoskopiya deyilir.

"Vəziyyət fərq edildikdən sonra tətbiq dərhal düzəldildi və xəstəxananın infeksiyaya nəzarət qruplarına məlumat verildi", – açıqlamada bildirlib.

Xəstəxana işçiləri dövlət səhiyyə orqanları ilə əlaqə saxlayıb və bildiriblər ki, xəstələrin hələ də yoluxduğuna dair dəqiq dəlil yoxdur. Bu müddətdə risk altında olan xəstələr müalicə olunublar.

Sözügedən xəstələrdən biri olan Geoff Millar, xəstəxananın yardım xəttinə zəng etdiyini və birdəfəlik istifadə olunan avadanlıqdan ikinci dəfə istifadə edildiyini bildirib. Dərhal xəstəxana polis nəzarətinə alınıb.