Sinqapur İdarəetmə Universitetinin psixoloqları uzunmüddətli romantik münasibətlərdə yumor hissinin rolunu araşdırıblar.

Aztibb.az “Psychological Science” jurnalına istinadən xəbər verir ki, yumor uzun müddətdir ki, tanışlığın ilkin mərhələlərində insanlara tərəfdaşı qazanmağa kömək edən arzu olunan bir xüsusiyyət kimi tanınır.

Tədqiqatçılar ən azı bir il yarım romantik münasibətdə olan 108 cütlüyü seçiblər. İştirakçılardan bir həftə ərzində hər gün partnyorları ilə yaşadıqlarını qeyd edən gündəlik tutmaları istənilib. Onlar həmçinin münasibətdən məmnunluq səviyyələrini qeyd ediblər. Bu, mütəxəssislərə cütlükdə qarşılıqlı əlaqənin keyfiyyətindəki gündəlik dalğalanmaları öyrənməyə imkan verib.

Psixoloqlar aşkar ediblər ki, yumor tərəfdaşlar arasında qarşılıqlı marağı qorumağa kömək edir. Onların tapıntılarına görə, yumor münasibətlərə marağın saxlanmasının siqnalı və göstəricisi rolunu oynayır.

Gələcəkdə psixoloqlar yumorun həmkarlar, valideynlər və uşaqlar arasındakı münasibətlərə təsirini öyrənməyi gözləyirlər.