Rusiyanın Nijni Novqorod vilayətində hökümət tərəfindən özəl klinikalara abortları qadağan edən qanun layihəsinin təqdim edilməsi planlaşdırılır.
Aztibb.az “Newsroom24” nəşrinə istinadən xəbər veri ki, hökumət xüsusilə, “Vətəndaşların sağlamlığının qorunmasının əsasları haqqında” Federal Qanunun 56-cı maddəsinə dəyişiklik edilməsini təklif edir. İzahat qeydinə əsasən, onlar ölkədə demoqrafik vəziyyətin yaxşılaşmasına səbəb olmalı və hamiləliyin dayandırılmasından sonra yaranan fəsadların sayını azaltmalıdır.
Sənəd təsdiq olunarsa, öz istəyi ilə abort yalnız dövlət tibb müəssisələrində və 8 həftədən çox olmayan müddətə mümkün olacaq. Hazırda 12 həftəlik hamiləliyin dayandırılmasına icazə verilir.
Qanun layihəsinin müəlliflərinin fikrincə, rusiyalı gənclər təhsil, peşə və maddi sərvət alana qədər uşaqların doğulmasını getdikcə daha çox təxirə salırlar. Bu mənada 30 yaşdan yuxarı insanlarda doğum səviyyəsinin artırılmasına diqqət yetirmək təklif edilib.
