İstanbulda yaşayan Burak Aktaş halsızlıq və nəfəs darlığı şikayətləri ilə həkimə müraciət edib və sol döş qəfəsində kütlə aşkarlanıb. O, iki seans kimyaterapiya keçib, lakin müalicəyə baxmayaraq, şiş 2 ay ərzində 8-10 dəfə böyüyərək qarpız ölçüsünə çatıb. Həkimlər kütlənin bu qədər sürətlə artmasına təəccübləniblər.

Aztibb.az “T24” internet qəzetinə istinadən xəbər verir ki, xəstənin sol ağciyərinin səksən faizini kağız kimi əzərək ürəyini sinə divarında 12 santimetr sağa çəkən, həm ürəyə, həm də beyinə gedən əsas damarlara təzyiq göstərən 6,5 kiloqram ağırlığında nəhəng şiş müvəffəqiyyətlə əməliyyat edilib.

Ürək normal vəziyyətinə qaytarılıb, kağız kimi əzilmiş ciyər şişirdilib

Əməliyyat zamanı Aktaşın ürəyi normal yerinə çəkilib, sol ağciyərin yuxarı hissəsi çıxarılıb, əzilmiş alt hissə anesteziya qrupu tərəfindən müsbət təzyiqlə yenidən şişirilib. Əməliyyatı həyata keçirən qrupdan Prof. Dr. Erdal Taşçı qeyd edib ki, xəstənin sinə boşluğunu demək olar ki, bütünlüklə əhatə edən 6,5 kiloqramlıq şiş, teratoma (qədim yunan dilində "canavar şiş") növlərindən biri olub və embrion hüceyrələrdən əmələ gəlib.

Xəstədə ürəyin alt ucu təxminən 12-13 sm yerdəyişmiş və ürəyə girən və çıxan bütün damarlar bükülmüş və qan axını pozulmuşdu. Ürək-damar Cərrahiyyəsi də əməliyyat qrupuna daxil olub. Xəstənin ürəyi əvvəlki vəziyyətinə qaytarılıb.