ABŞ Milli Sağlamlıq İnstitutunun alimləri aktiv həyat tərzi ilə firavanlıq arasında əlaqə aşkar ediblər.
Aztibb.az bununla bağlı “Clinical Orthopedics and Research” (CORP) jurnalında dərc edilən müvafiq hesabata istinadən xəbər verir.
On il ərzində elm adamları 19 mindən çox insanın iştirak etdiyi bir sorğu keçiriblər. Tədqiqatçılar müəyyən ediblər ki, aktiv həyat tərzi rifahı yaxşılaşdırır. Digər tərəfdən, hərəkətliliyin azalması iştirakçıların illik gəlirlərinin azalması ilə müşayiət olunub.
Bundan əlavə, alimlər yaşlı insanlar üzərində əlavə tədqiqatlar aparıblar. Onlar aşkar ediblər ki, həftədə bir dəfə məşq etmək insana daha uzun müddət mobil qalmağa kömək edir və bu da öz növbəsində onların gəlir səviyyələrinə müsbət təsir göstərir.
Əvvəllər Avstraliya və Böyük Britaniya alimləri qısa müddətli gündəlik hərəkətlərin ömrü uzatmaq üçün faydalarından danışırdılar. Tədqiqatçılar sağlam qalmaq üçün bir-üç dəqiqəlik fasiləsiz idmanın kifayət etdiyini müəyyən ediblər.