Cərrah İldus Muxametov bildirib ki, yoğun bağırsaq xərçəngi zamanı bağırsaqların adi fəaliyyətinin necə dəyişdiyini müşahidə etmək olar.

Aztibb.az “SM News” xəbər agentliyinə istinadən yazır ki, mütəxəssisin bildiridiyinə görə, kolorektal xərçəng kolon və düz bağırsaqda bədxassəli şişlərin meydana gəlməsini əhatə edir.

Ekspert şərhində qeyd edib ki, şiş erkən mərhələdə aşkar edilərsə, bağırsaq xərçəngi yüksək dərəcədə müalicə olunur. Xərçəng xəstəliyinə görə bağırsaqların adi fəaliyyəti dəyişə bilər, lakin bu dəyişikliklər rutin, qeyri-ciddi uğursuzluqlar təsiri bağışlayır və bunun tez bir zamanda izahı tapılır.

"İlk növbədə, bunlar bağırsaqların normal fəaliyyətindəki pozğunluqlardır: daha tez-tez tualetə getməyə çağırışlar, əvvəllər heç vaxt olmamış ishal və ya insanın əvvəllər əziyyət çəkmədiyi qəbizlik", - deyə həkim bildirib.

Bağırsaq xərçənginin digər mümkün əlamətləri:

- Davamlı qarın narahatlığı,
- Spazmlar,
- Şişkinlik,
- Bağırsaq hərəkətləri zamanı bağırsaqların tamamilə boşalmadığı hissi,
- Tualet kağızında və ya nəcisdə qan.

Həkim vurğulayıb ki, sonraki mərhələlərdə qəfil arıqlama, iştahsızlıq, başgicəllənmə, huşunu itirmə, diqqəti cəmləməkdə çətinlik müşahidə olunur.

Kolorektal xərçəngdən əvvəl kolonda adenoma və poliplər əmələ gəlir. Bu formasiyalar kolonoskopiya ilə aşkar edilə bilər ki, bu da 50 yaşından başlayaraq hər kəs tərəfindən profilaktik məqsədlə aparılmalıdır.