Psixiatr Aleksandr Meşçeryakov bir çox insanın üzləşdiyi narahatlığın səbəbləri ilə bağlı fikirlərini bölüşərək, ondan qurtulmaq üçün etdikləri ümumi səhvləri açıqlayıb.
Aztibb.az "Pravda" nəşrinə istinadən xəbər verir ki, həkimə görə, bu səhvlərdən biri apteklərdən satın alınan müxtəlif otların köməyi ilə özünüzü sağaltmağa çalışmaqdır.
Onun sözlərinə görə, hazırda effektivliyini sübut edən reseptsiz dərmanlar yoxdur: “Çoxlarının müsbət nəticəyə ümid edərək bu cür məhsulları alır. Təəssüflər olsun ki, onların faydasız olduğunu anlamır və bəzən simptomlar ya müvəqqəti səngiyir ya da şiddətlənir”.
Ekspert adekvat və səlahiyyətli yardım almaq üçün psixiatr və ya psixoterapevt kimi ixtisaslı mütəxəssisdən kömək istəməyi tövsiyə edib.
O, həmçinin qeyd edib ki, narahatlığı yalnız peşəkar qiymətləndirmə və diaqnozdan sonra təyin olunan xüsusi texnika və dərmanlardan istifadə etməklə təsirli şəkildə müalicə etmək olar.