Avstraliya alimləri gecələr çox işıqlandırma ilə psixi xəstəliklərin inkişafı arasında əlaqəni öyrəniblər.
Aztibb.az “Medical Xpress” nəşrinə istinadən yazır ki, gecələr həddindən artıq parlaq süni işıqlandırma depressiya, TSSB, bipolyar pozğunluğun inkişafına səbəb ola bilər, həmçinin narahatlıq hisslərini artıra bilər.
Monaş Universitetinin mütəxəssislərinin qənaətinə görə, səbəb gecə və gündüzün dəyişməsi ilə bağlı olan insan bioritmlərinin pozulmasıdır.
Bununla bağlı 86 772 nəfərin iştirak etdiyi araşdırmada yuxu keyfiyyəti, gecə və gündüz işığa məruz qalma səviyyələri və psixi sağlamlıq qiymətləndirilib.
Tədqiqata görə, gecələr müntəzəm olaraq parlaq işığa məruz qalanlarda ruhi xəstəliklərə tutulma riski 30% artıb. Eyni zamanda, gün işığının dozasını qəbul edən insanların xəstəliklərə tutulma ehtimalı 20% az olub.
Bundan əlavə, gecə lampadan gələn işıq da zərərlidir. Telefon ekranlarından, kompüter ekranlarından və küçə işıqlarından gələn süni işıq da zərərli hesab edilir.