Yapon alimləri süni intellekt əsasında xoruz tərcüməçisi yarada biliblər. Onun inkişafına tədqiqatçıların "Dərin Emosional Analiz" adlı texnologiyası kömək edib.
Aztibb.az “Business Insider”ə istinadən yazır ki, yeni texnologiyanın köməyi ilə səs nümunələrini təhlil edərək quşların emosiyalarını müəyyən etmək mümkündür.
Araşdırmaya Tokio Adriaea Universitetinin professoru Devid Çeok rəhbərlik edib. Asiya alimləri təcrübələrin nəticələrinə əsasən müəyyən ediblər ki, süni intellektdən istifadə etməklə hazırlanmış sistem toyuqların bütün emosional vəziyyətlərini - stress, qəzəb, aclıq, qorxu, məmnunluq və həzzi tanıya bilir.
Tədqiqat 80-ə yaxın xoruz və toyuq üzərində aparılıb. Layihədə mühəndislərlə yanaşı, baytarlar və heyvan psixoloqları da çalışıblar.
“Heyvanların necə hiss etdiyini bilsək, onlar üçün daha yaxşı bir dünya yarada bilərik”, - professor kəşfi haqqında danışarkən bildirib.