Bir müddət əvvəl rus qütb tədqiqatçıları Vostok gölünün 4 kilometrlik buzunun altında DNT-si elmə tanış olmayan canlını formasını- bakteriyaları aşkar ediblər.
Aztibb.az tədqiqatla bağlı "Arqumentı i Faktı" nəşrində dərc edilən məqaləyə diqqət çəkib.
Bu canlılar göldən qaldırılan buz nümunələrində yerin atmosferi ilə təmas etmədən minlərlə il ərzində təkamül etmiş termofil bakteriyalarıdır. Ola bilsin ki, tədqiqatçıların bildirdiyi kimi, orada bəşəriyyət üçün təhlükəli viruslar da yaşayır.
Antarktida ilə bağlı nədən qorxmalıyıq, nədən qorxmamalıyıq? Bu barədə qütb tədqiqatçısı və okeanoloq, Valeri Lukin məlumat verib. Alim qütb tədqiqatçılarının buzaltı Vostok gölündə quyu qazdıqdan sonra Antarktidada elmi kəşflər mövzusunda çoxlu “sensasiyalar” yarandığını deyib:
“Məsələn, alimlər 4 km qalınlığında buzun altında elmə məlum olmayan, ən nazik qızıl təbəqəsi ilə örtülmüş balıq pulcuqlarını tapıblar. Onlar həmçinin milyonlarla il əvvəl kosmosdan Yerə gələn tarixdən əvvəlki həyat formalarını və zərərli virusları kəşf ediblər”.
Valeri Lukin bildirib ki, bütün bunlar ya aprel gülüşləridir, ya da qəzet saxtakarlığıdır: “Əslində belə cəfəngiyyatları təkzib etməkdən artıq bezmişəm. Təəssüf ki, Vostok gölündə nə sualtı Klondayk, nə Eldorado, nə də qızıl balıq var...”.
“Maksimum mikrob mühitidir. Baxmayaraq ki, gölün dibində bəzi qalıqlara rast gəlmək mümkündür. Bir fərziyyəyə görə, Vostok gölü hələ 30-40 milyon il əvvəl başlayan Antarktidanın buzlaşmasından əvvəl yaranıb. Qondvananın super qitəsinin mövcudluğu ilə bağlı geoloji fərziyyəyə görə, o zaman Altıncı qitə daha mülayim enliklərdə yerləşirdi, orada flora və fauna var idi, həyat sürətlə gedirdi. Əlbəttə, çətin ki, onun canlı növlərindən bu günə kimi sağ qalıb. Lakin mikroorqanizmlər sağ qala bilərdi. Ən maraqlısı isə odur ki, onlar yer atmosferi ilə təmas etmədən təkamül keçiriblər”, - Valeri Lukin bildirib.
“Bir müddət əvvəl, məsələn, oradakı buz nümunələrində termofil bakteriyaların DNT molekulları tapıldı. Eyni bakteriyalar Yelloustoun Milli Parkında və Yaponiyanın şimalındakı isti bulaqlarda, həmçinin Orta Atlantik hidrotermal kanallarında tapılıb. Bir qayda olaraq, termofilik mikroorqanizmlər + 60 dərəcə və yuxarı temperaturda yaşayırlar. Bu o deməkdir ki, Vostok gölünün dibində geotermal aktivlik var - isti bulaqlar qabarır”, – deyə alim qeyd edib.
