Kliniki bir araşdırma, isti yoqanın ağır depressiya əlamətlərini əhəmiyyətli dərəcədə azalda biləcəyini göstərib.

Aztibb.az medimagazin.com.tr-yə istinadən xəbər verir ki, ABŞ-da Massaçusets Ümumi Xəstəxanası tərəfindən aparılan bir araşdırma, 40°C-yə qədər qızdırılan rütubətli otaqlarda pozaların verildiyi müntəzəm Bikram yoqa dərslərinin depressiya xəstələrini yaxşılaşdıra biləcək təsirli bir müalicə variantı olduğunu açıqlayıb.

Tədqiqat üçün orta və şiddətli depressiyayası olan yetkin yaşlı 80 xəstə iki qrupa bölünüb. Yarısı həftədə iki dəfə 90 dəqiqəlik isti yoqa seanslarına getdiyi halda, digər qrupa gözləmə siyahısına salındıqları və heç bir müalicə görməyəcəkləri bildirilib.

Səkkiz həftədən sonra yoqa ilə məşğul olanların 44 faizində simptomlarının əhəmiyyətli dərəcədə yaxşılaşdığı müşahidə edilib. Birinci qrup bu böyük irəliləyişdən sonra artıq depressiyaya uğramış kimi təsnif edilməyib.

Həftədə bir dəfə də təsirlidir

“Journal of Clinical Psychiatry” jurnalında dərc edilən araşdırmaya görə, həftədə yalnız bir dəfə isti yoqa seanslarına qatılanlarda belə depressiv simptomlar azalıb.

Harvard Tibb Məktəbinin psixiatriya kafedrasının dosenti və tədqiqatın aparıcı müəllifi Maren Nyer, "Yoqa və istiliyə əsaslanan müdaxilələr dərmana əsaslanmayan bir yanaşma təmin etməklə depressiya xəstələrinin müalicə kursunu potensial olaraq dəyişə bilər" deyib.

"Hər bir elementin (istilik və yoqa) depressiyada müşahidə etdiyimiz klinik təsirlərə xüsusi töhfələrini müəyyən etmək üçün yeni tədqiqatlar inkişaf etdiririk", - deyə tədqiqatın aparıcı müəllifi bildirib.