Çində aparılan yeni bir araşdırma Tai Çi idmanının Parkinson əlamətlərini yavaşlatdığını ortaya qoyub.

Aztibb.az medimagazin.com.tr-yə istinadən xəbər verir ki, elm adamları 2016-2021-ci illər arasında iki qrupa bölünən 334 Parkinson xəstəsini müşahidə ediblər.

Tədqiqatda müşahidə qrupundan biri həftədə iki dəfə bir saat Tai Çi ilə məşğul olmaq üçün öyrədilib, digər qrup isə gündəlik dərman müalicəsini davam etdirib.

Bu kontekstdə Tai Çi idmanının beynin hərəkətləri idarə etməkdən məsul olan hissəsindəki hüceyrələrin fəaliyyət göstərməməsi nəticəsində meydana gələn mütərəqqi bir xəstəlik olan Parkinson xəstəliyinin simptomlarını yavaşlatdığı müşahidə edilib.

Tai Ci ilə məşğul olmayanlarda dərman dozasını artırması lazım olan xəstələrin sayı yüzdə 83,5-dən yüzdə 96-ya yüksəlib.

Şanxay Jiao Tonq Universiteti Tibb Fakültəsindən tədqiqatçı Dr. Gen Li, Tai Çi ilə məşğul olan insanlarda Parkinson simptomlarının yavaşladığını, yuxunun və həyat keyfiyyətinin yaxşılaşdığını aşkar edib.

Alim araşdırma nəticəsində Tai Chi-nin Parkinson xəstəliyinə uzun müddətli faydalı təsir göstərdiyinin və yeriş, tarazlıq və idrak qabiliyyətləri kimi həm motor, həm də qeyri-hərəkətli əlamətlərə yavaşladıcı təsir göstərdiyini qeyd edib.

Həmçinin Parkinson xəstələrinin 96 faizinin 50 yaşdan yuxarı olduğu və bu xəstəliyin dünyada 10 milyondan çox insana təsir etdiyi bildirilib.

Tai Çi döyüş sənətlərindən əldə edilən ənənəvi Çin təbabətinin enerji məşqlərinin bir hissəsi olan fiziki bir intizam kimi tanınır.

Araşdırmanın nəticələri “Journal of Neurology, Neurosurgery and Psychiatry” jurnalında dərc olunub.