Qarının üst tərəfində qəflətən əmələ gələn və ağrı ilə bilinən kəskin pankreatit mədəaltı vəzdə yaranan iltihablaşmadır.
Aztibb.az xəbər verir ki, həkim-radioloq Şəbnəm Topbaştekin xəstəliyin əlamətlərini sadalayıb.
Qeyd edib ki, qarında ağrılar qabırğaaltı nahiyədə lokalizasiya olur və adətən əsas simptomlardan hesab edilir: “Çox sürətlə əmələ gəlir (təqribən bir saat). Ağrı şiddətlənə bilir və arxa nahiyəyə doğru yayılır”.
Həkim əlavə edib ki, qusma, qızdırma və ümumi narahatlıq hallarına da rast gəlinir. Əgər pankreatit şiddətlənsə və digər orqanlar da prosesə cəlb olunsa, bu zaman başqa simptomlar da meydana çıxa bilər.
Radioloq xəstəliyin diaqnozunun ultrasəs müayinəsi ilə asanlıqla qoyula bildiyini deyib. Bununla yanaşı, xəstə laborator müayinələrdən keçə, KT və MRT oluna bilər.
