Rusiyalı mütəxəssislər tərəfindən hazırlanmış öd yolları xərçənginin diaqnostikası üçün innovativ üsul onkologiya sahəsində mühüm irəliləyişi hesab edilir.

Aztibb.az “Actual News” portalına istinadən xəbər verir ki, əvvəllər diaqnoz qoymaq üçün həkimlər qarın boşluğunda travmatik cərrahiyyə əməliyyatları aparmağa məcbur idilər və şişlərin 50%-dən çoxunu əməliyyat etmək mümkün olmurdu.

Lakin hazırlanmış yeni üsul sayəsində öd yollarının xərçənginin diaqnostikası yerli anesteziya altında həyata keçirilən görünməmiş rahat və ağrısız prosedura çevrilib.

Xüsusi alətlərdən istifadə edərək, cərrahlar kanallara nüfuz edə bilirlər və sonra video kamera ilə endoskopdan istifadə edərək şişə çata bilirlər.

Bu metodun patenti rentgen endovaskulyar cərrahları - Aleksey Sergeyeviç Polexin və Aleksey Leonidoviç Filonova məxsusdur.

Yeni üsul Çində aparılan analoji tədqiqatdan daha effektiv və sərfəlidir. Üstəlik, rusiyalı mütəxəssislər Çin metodunun nəzəri məlumatlara əsaslandığını və praktikada tətbiq edilə bilməyəcəyini təsdiqləyiblər.