Kanadalı alimlərin işi göstərdi ki, elektron qəlyana üstünlük verən gənclər tez-tez xroniki stresslə üzləşirlər.

Aztibb.az xəbər verir ki, bu barədə “SciTechDaily” portalı məlumat yayıb.

Tədqiqatda yaşları 15-30 arasında dəyişən 905 nəfərin məlumatlarından istifadə edilib. Onlardan 115-nin (12,7%) elektron qəlyandan istifadə etdiyi bildirilib.

Məlum olub ki, aludəçilər həyatlarının müəyyən bir anında və ya dövründə xroniki stress yaşadıqlarını daha çox bildiriblər.

Xroniki stressin psixi pozğunluqlara, xüsusən də narahatlıq və depressiyaya səbəb olduğu bilinir. Bundan əlavə, nəticələr vapinqə üstünlük verənlərin həyat keyfiyyətinin daha aşağı olduğunu göstərib.

Tədqiqat müəllifləri qeyd ediblər ki, insanlar yığılmış stressi aradan qaldırmaq üçün tez-tez tütün, siqaret və alkoqoldan istifadəyə müraciət edirlər. Ancaq bu metod narahatlığı aradan qaldırmağa kömək etmir.