Alimlər bağırsaq mikrobiotası ilə Alzheimer xəstəliyi arasında əlaqə olduğunu müəyyən ediblər.

Aztibb.az “Brain” jurnalına istinadən xəbər verir ki, bununla bağlı dərc olunan hesabatda bildirildiyi kimi xəstəliyin əlamətləri bağırsaq bakteriyaları vasitəsilə sağlam gənc orqanizmə keçə bilər.

Alzheimer xəstəliyi olan xəstələrin nəcis nümunələrində iltihablı bakteriyaların səviyyəsi daha yüksək olub və bu dəyişikliklər bilavasitə onların bilişsel statusu ilə əlaqəli idi.

Təcrübələr göstərib ki, demans əlamətləri olan insanlardan heyvanlara nəcis mikrobiotasının ötürülməsi hipokampusda yeni sinir hüceyrələrinin istehsalını azaldır və yaddaşın pozulmasına səbəb olur.

Alzheimer xəstəliyi adətən başlanğıcda və ya açıq koqnitiv simptomlardan sonra aşkar edilir, bu zaman xəstəlik mövcud terapevtik yanaşmalara davamlı olur.

Alimlərin fikrincə, demansın erkən (prodromal) mərhələsində bağırsaq mikroblarının rolunu başa düşmək yeni müalicə üsullarının və hətta fərdi yanaşmaların inkişafı üçün imkanlar aça bilər.