Qışda anti-Müllerian hormonun (AMH) səviyyəsi yayda olduğundan 18% aşağı olur, buna görə də soyuq mövsümdə hamilə qalmaq daha çətindir.

Aztibb.az “Gazeta” nəşrinə istinadən xəbər verir ki, bununla bağlı reproduktoloq Yuliya Koloda bildirib.

"AMH reproduktiv sistemin orqanları tərəfindən sintez olunur və embrionda cinsiyyətin formalaşması, həmçinin qadınlarda follikulların yetişməsi və kişilərdə spermatogenez üçün cavabdehdir", - deyə qeyd edib.

Orqanizmdə AMH-nin səviyyəsi müxtəlif amillərdən, o cümlədən D vitamininin səviyyəsindən asılıdır.

Ona görə də alimlər hesab edirlər ki, hormonun səviyyəsindəki bu mövsümi fərq D vitamininin çatışmazlığı ilə bağlıdır. Reproduktoloqun sözlərinə görə, onun əlavə qəbulu bu mövsümi dalğalanmaları aradan qaldıra bilər.

“Burada vurğulamaq lazımdır ki, mövsümiliklə bağlı alimlər onun mövcud olub-olmaması ilə bağlı yekun nəticəyə gəlməyiblər. Amma mən inanıram ki, hər qadının öz məhsuldar ayı var. Amma ziddiyyətli nəticələrə baxmayaraq, qış və payız aylarında xəstələrin vitamin D səviyyəsinə nəzarət edirik. D vitamininin normadan artıq olması da zəhərli ola bilər”, - reproduktoloq vurğulayıb.