İsveç alimləri fiziki sağlamlığa mənfi təsir göstərən stressdən doğan narahatlıq səviyyəsini azaltmaq məqsədilə yola çıxaraq tədqiqat aparıblar.

Aztibb.az tədqiqatın nəticələrinin yer aldığı “Overview of Mood Disorders” portalında dərc edilən məqaləyə diqqət çəkib.

Stress və gərgin fiziki, zehni əməkdən ortaya çıxan narahatlıq müasir dünyada bir çox insan üçün yoldaşdır.

Tədqiqatçılar belə narahatlıq yaşayan 286 xəstənin iştirakı ilə təcrübə aparıblar.

Təcrübə iştirakçıları iki qrupa bölünüb. Birinci qrupdakı xəstələr kardio məşqləri, digərindəkilər isə güc məşqləri ediblər.

12 həftədən sonra elm adamları hər iki qrupdakı xəstələrin psixo-emosional vəziyyətdə yaxşılaşma müşahidə ediblər. Xəstələrdə narahatlıq və depressiya əlamətləri demək olar ki, tamamilə yox olub.

Bununla belə, qantellə məşq edənlər daha çox inkişaf göstəriblər. Alimlər hesab edirlər ki, bu tapıntılar narahatlıq pozğunluqlarının idarə olunmasında fiziki fəaliyyətin əhəmiyyətini göstərir.

Tədqiqatın müəllifləri fiziki fəaliyyətin narahatlıq və depressiyanın müalicəsində köməkçi ola biləcəyini vurğulayıblar.