Periodontal xəstəlik bütün dünyada milyonlarla insanı narahat etməkdə davam edir. Müalicə ağız boşluğunda mikrob aktivliyinə nəzarətlə məhdudlaşır.

Aztibb.az “Planet Today” nəşrinə istinadən xəbər verir ki, son araşdırmalar metformin dərmanının bu xəstəliklərlə mübarizədə böyük potensiala malik ola biləcəyini göstərir.

Tədqiqatçılar metforminin şəkərli diabeti olmayan xəstələrdə təsirini tədqiq ediblər və dərmanın periodontal xəstəlik və yaşlanma ilə əlaqəli sümük itkisinin qarşısını ala biləcəyini öyrıniblər.

Metformin ağız boşluğunda olan bakteriyaların tərkibinə və qan qlükoza səviyyəsinə də təsir edir ki, bu da periodontal problemlərin qarşısının alınmasında faydalı ola bilər.

Bu araşdırma şəkərli diabeti olmayan şəxslərdə ağız boşluğu xəstəliklərinin qarşısının alınması və müalicəsi üçün yeni perspektiv açır.

Bu mənada metformin periodontal xəstəliklər və digər ağız xəstəlikləri ilə mübarizədə əsas vasitə ola bilər.

Araşdırmada Böyük Britaniyanın London Kral Kollecinin alimləri və
Braziliyanın San Leopoldo Mandiç Stomatologiya Məktəbinin tədqiqatçıları iştirak ediblər.