Gündəlik pəhrizdə səhər yeməyi mühüm rol oynayır, çünki səhər yeməyi bütün günün nə qədər məhsuldar olacağını müəyyənləşdirir.
Aztibb.az xəbər verir ki, “Veçernyaya Moskva” nəşrinə müsahibəsində diyetoloq İrina Pisareva bununla bağlı tövsiyələrini paylaşıb.
“İlk yemək qan şəkəri və xolesterinin səviyyəsini normal saxlayır, həmçinin tez-tez xəstələnən insanların immunitetini artırır. Bundan əlavə, orqanizmdə yalnız səhər saatlarında istehsal olunan fermentlər var”, - deyə mütəxəssis bildirib.
O qeyd edib ki, əgər insan səhər-səhər yemək yeməsə, fermentlərin istehsalı azalır və bu, bütün orqanizmin fəaliyyətinə təsir edir və çəki artımına səbəb ola bilər.
Diyetoloq əlavə edib ki, balanslaşdırılmış səhər yeməyi kompleks karbohidratlar, zülallar və düzgün yağlardan ibarət olmalıdır.
Kompleks karbohidratlara qarabaşaq yarması, yulaf və çörək daxildir. Zülallar üçün yumurta, qatıq və kəsmik idealdır. Mütəxəssis yaxşı yağlar kimi avokado, həmçinin zeytun, çətənə və ya xardal yağını tövsiyə edib.