Siyatik insan bədənindəki ən qalın sinirin adıdır. Bu sinir bel-oma bölgəsinin arxasından ayağın arxası boyunca və diz səviyyəsində iki əsas budağa bölünərək ayağa qədər uzanır.

Aztibb.az xəbər verir ki, nevroloq Günel Verdiyevanın bildirdiyinə görə, xəstəliyi ifadə etmək üçün geniş istifadə edilən “siyatik” sözü ilə bu sinirin bədənin müxtəlif yerlərində sıxıldığı zaman ortaya çıxan və xüsusən də ayaqda ağrı, güc itkisi, qıcolma, qarışqa yeriməsi hissi kimi şikayətlərlə özünü göstərən bir narahatlıq nəzərdə tutulur.

Həkim xəstəliyin müalicəsi ilə bağlı fikrilərini də bölüşüb:

“Müalicə siyatik sinirin sıxılma səviyyəsinə, sıxılma səbəbinə və xəstənin ümumi tibbi vəziyyətinə görə dəyişir. Onurğa dakı sıxışmalarda (çox vaxt disk yırtığı və ya kanal stenozu səbəbindən) sıxışma bölgəsinə eidlən inyeksiya müalicəsi və ya birbaşa cərrahi müalicə seçimləri tətbiq olunur”.

Nevroloq qeyd edib ki, bu müalicələrə əlavə olaraq fizioterapiya, siyatik məşqləri və dərman müalicəsi də istifadə olunur.