Gündəlik həyatımızın bir parçasına çevrilmiş tıxaca biraz diqqət etsək içində bunları görərik: motor, siqnal, əyləc, insan səsləri və gurultu.

Aztibb.az xəbər verir ki, uzman fizioterapevt Rüfət Cabbarlının bildirdiyinə görə, bütün bu səslər biz hiss etmədən stres artımına səbəb olur.

Həkim qeyd edib ki, stress öz növbəsində qan təzyiqinin artmasına, ürək damar xəstəliklərinə, mədə bağırsaq problemlərinə də gətirib çıxarır.

Bütün bunlar azmış kimi yeni araşdırmalar tıxacda uzun müddət vaxt keçirməyin beynimizin yaddaşla bağlı bölgələrinə də xüsusi zərər vurduğunu göstərir.

“Alzheymerin başlanğıc əlamətləri olaraq bilinən stress artımı, yuxu pozuntuları, immun sistemindəki dəyişikliklər və iltihablanma tıxaca uzun müddət məruz qalan insanlarda aşkarlanmışdır. Tıxacın sağlamlığa zərərləri Avropada artıq hava kirlənməsindən sonra 2-ci risk faktoru kimi qəbul edilib”, - deyə həkim bildirib.