Yaponiya və İsveçdən olan mütəxəssislərin daxil olduğu beynəlxalq alimlər qrupu 100 yaşdan yuxarı insanların qan testlərini öyrənərək uzunömürlülüyün yeni səbəbini aşkar ediblər.
Aztibb.az “GeroScience” jurnalına istinadən yazır ki, araşdırmanın nəticələri nəşrdə dərc olunan məqalədə təqdim edilib.
Tədqiqat zamanı müəlliflər 64-99 yaşlarında tibbi müayinədən keçən 44 min isveçlinin məlumatlarını təhlil ediblər. Daha sonra 35 il ərzində onların monitorinqi davam etdirilib.
Nümunədən 1224 nəfər (2,7 faiz) 100 yaşa qədər yaşayıb. Yüzyaşlıların əksəriyyətini (85 faizi) qadınlar təşkil edib.
Tədqiqatçılar iltihab, maddələr mübadiləsi, qaraciyər və böyrək funksiyası, potensial qida çatışmazlığı və anemiya ilə əlaqəli olan qanda on iki biomarkerə diqqət yetiriblər.
Nəticələr göstərib ki, 100 yaşa qədər yaşayanların altmış yaşlarından başlayaraq qlükoza, kreatinin və sidik turşusu səviyyəsi daha aşağı olub. Xüsusilə, onların qlükoza səviyyəsi hələ əvvəlki illərdə də 6,5-dən yuxarı olub.
Ən aşağı ümumi xolesterin və dəmir səviyyələri olan qrupdakı insanların yüksək göztəricili qrupdakı insanlarla müqayisədə 100 yaşa qədər yaşama ehtimalı daha az idi. Eyni zamanda, yüksək səviyyədə qlükoza, kreatinin və sidik turşusu olan insanların da bir əsr yaşamaq ehtimalının az olduğu görülüb.