Beynəlxalq Alimlər Konsorsiumu tərəfindən 35 ölkədə aparılan genişmiqyaslı tədqiqat daşqınlardan sonra ümumi ölüm, ürək-damar, tənəffüs xəstəlikləri kimi müxtəlif səbəblərdən ölüm riskləri arasında əlaqəni qiymətləndirib.

Aztibb.az “Planet Today” nəşrinə istinadən xəbər verir ki, hesabata əsasən, tədqiqat dövründə ən azı bir daşqın yaşayan 761 məskunlaşma ərazisinin təhlilləri zamanı müxtəlif mənbələrdən, o cümlədən beynəlxalq məlumat bazalarından və ölüm qeydlərindən istifadə edilib.

Tədqiqatın əsas nəticəsi ölüm riskinin, xüsusilə də ürək-damar xəstəliklərindən ölüm riskinin daşqından sonra 60 gün ərzində artması və yüksək olaraq qalması idi. Daşqınlar nəticəsində ümumi ölüm halları üzrə 1,021, ürək-damar xəstəlikləri üzrə 1,026, tənəffüs xəstəliklərindən ölüm halları üzrə 1,049 ölüm qeydə alınıb.

Müəyyən edilib ki, aşağı gəlirli və yaşlı insanların böyük nisbətdə olduğu yerlərdə daşqınlar və ölüm arasında əlaqə daha güclü olub.

Tədqiqat həmçinin öyrənilib ki, daşqınlardan təsirlənən icmalarda bütün səbəblərdən ölümlər, ürək-damar xəstəlikləri və tənəffüs xəstəlikləri kiçik, lakin əhəmiyyətli nisbəti təşkil edib.

Tədqiqatda iştirak edən elmi qrumlar:

Monash Universiteti (Avstraliya),
London Gigiyena və Tropik Tibb Məktəbi (Böyük Britaniya),
Kvislend Texnologiya Universiteti (Avstraliya),
Anhui Tibb Universiteti (Çin),
Şanxay Jiao Tonq Universiteti (Çin),
Ottava Universiteti (Kanada) və başqaları .