Uretroskopiya sidik kanalının, sistoskopiya isə sidik kisəsinin daxildən vizual müayinəsidir. Müayinə zamanı sidik kisəsinə baxmaq üçün sidik kanalından keçilməlidir. Çünki əksər hallarda bu iki müayinə eyni vaxtda aparılır.

Aztibb.az xəbər verir ki, uroloq-androloq Ziyad Əliyevin bildirdiyinə görə, sistoskopiya çox yüksək dəqiqlikli görüntü verən kamera ilə təchiz olunmuş alətlə edilir, bu alət sistoskopdur.

Müayinə zamanı həkim ekranda sidik kanalının və sidik kisəsinin daxilini görür və onu sistoskopik nöqteyi-nəzərdən dəyərləndirir, sonda isə əməliyyatın protokolu və video yazısı xəstəyə verilir.

“Sidik kisə xəstəliklərinin müalicəsi ilə çox ciddi məşğul olan həkim kimi mən öz pasientlərimə sistoskopiya müayinəsini çox tez-tez təyin edirəm. Sistoskopiyanı edən həkim onun normal mənzərəsini, selikli qişanın normal relyefini və digər xarakterik xüsusiyyətlərini xəstəliklərdən ayırmağı bacarmalıdır. Ona görə də uretroskopiyanın keyfiyyəti və effektivliyi onu edən həkimdən çox asılıdır”, - deyə həkim qeyd edib.

Uretroskopun, yaxud sistoskopun tubusu sidik kanalının xaici dəliyindən maneəsiz daxil edilir. Bu zaman
sidik kanalı daxilində nə aşkarlana bilər ?

- Daralma;

- Polip, şiş, papilloma

- Divertikul,

- Erozoya, kimyəvi yanıq və.s