Alimlər ilk dəfə kosmosda insan bədəninin 3D çap olunmuş hissəsini əldə ediblər. Təcrübə Beynəlxalq Kosmik Stansiyanın (BKS) göyərtəsində baş tutub və mütəxəssislər diz oynağının qığırdaq yastığını reproduksiya ediblər.

Aztibb.az "Arqumentı i Faktı" nəşrinin məlumatına əsasən xəbər verir ki, tədqiqatda ötən il BKS-ə təhvil verilmiş “BioFabrication Facility” (BFF) 3D çap qurğusundan istifadə edilib. Alimlər insan kök hüceyrələri və kollageni "mürəkkəb" kimi istifadə ediblər.

Bildirilib ki, bu, insan sağlamlığı üçün əhəmiyyətli təsirləri olan təməlqoyma mərhələsidir. Qığırdaq yastığı kimi mürəkkəb toxumaları müvəffəqiyyətlə çap etmək bacarığı mikroqravitasiyanın inkişafında böyük irəliləyişdir.

Qeyd edək ki, kosmosda bioloji toxumalar və digər özlü materiallar çəkisizlik səbəbindən öz formasını daha yaxşı saxlayır.