Misir alimləri belə qənaətə gəliblər ki, qızardılmış falafel (əsas tərkibi lobya və üyüdülmüş noxuddur) xayalar üçün zərərlidir.
Aztibb.az “Toxicology Reports” jurnalına istinadən xəbər verir ki, təcrübələr Əl-Əzhər Universitetinin alimləri tərəfindən siçovullar üzərində aparılıb və tədqiqatın müəllifləri çox yayılmış belə yeməklərinin gəmiricilərin reproduktiv sisteminə necə təsir etdiyini müəyyən ediblər.
Qeyd etmək lazımdır ki, Misirdə ənənəvi olaraq falafel qızartmaq üçün palma yağından istifadə olunur.
Təcrübədə təsadüfi olaraq üç bərabər qrupa bölünmüş 21 erkək siçovul iştirak edib. Birinciyə yalnız distillə edilmiş su, ikincisinə təzə palma yağı verilib. Üçüncü qrup, əvvəllər qızardılmış palma yağı istehlak edib.
Təcrübə 28 gün aparılıb. Tədqiqat zamanı misirli tədqiqatçılar həmçinin serum testosteron səviyyəsini, testis toxumasının oksidləşmə vəziyyətini və sınaq gəmiricilərinin sperma xüsusiyyətlərini təhlil ediblər.
Tədqiqatın nəticələri göstərib ki, dərin qızartmadan sonra yağı qəbul edən qrupda serum testosteron, sperma həcmi və sperma hərəkətliliyində əhəmiyyətli dərəcədə azalmalar olub. Bundan əlavə, haqqında danışdığımız üçüncü qrupda testis histologiyası orqanın struktur anormallıqlarını göstərib.
Alimlər oxşar təsirin insanlarda da müşahidə oluna biləcəyini vurğulayıblar. Bununla belə, qızardılmış falafelin kişilərə təsirini daha dəqiq müəyyən etmək üçün yeni təcrübələrə ehtiyac var.