Siqaret çəkmək bütün dünyada minlərlə insanın aradan qaldırmağa çalışdığı bir vərdişdir.

Aztibb.az “Planet Today” nəşrinə istinadən xəbər verir ki, elm adamları asılılıqdan qurtulmağa kömək edəcək yeni üsul tapıblar.

Nikotin asılılığı ilə vidalaşmaq üçün artıq mövcud olan bir çox varianta baxmayaraq, hər kəs bu yolu sona qədər başa vura bilmir.

Kəşf Missuri Universitetinin mütəxəssisləri tərəfindən edilib. Məlum olub ki, siqaret çəkənlərin beyni, asılılığı olmayan insanların beynindən funksional və struktur baxımından əhəmiyyətli dərəcədə fərqlənir.

Alimlər əmindirlər ki, bu dəyişikliklər bu asılılığa nəzarət etmək üçün məsuliyyət daşıya bilər.

Tədqiqatın aparıcı müəllifi və psixiatriya professoru Brett Freliger izah edib ki, impuls nəzarəti ilə bağlı problemlər siqaret çəkənlər üçün nikotini atmağı daha da çətinləşdirir.

Bu baxımdan, tədqiqatçılar siqaret yandırmaq üçün ilkin impulsları azaltmağa kömək edəcək maqnit stimullaşdırılmasından istifadə etməyi təklif ediblər.

Maqnit stimulyasiyası əvvəllər digər psixi xəstəliklərin və pozğunluqların müalicəsində istifadə edilmişdir.

Alimlər bu üsulun siqaretə olan həvəsə necə təsir edəcəyini sınaqdan keçiriblər. Tədqiqatda yaşı 40-a yaxın olan 37 nəfər iştirak edib.

Mütəxəssislər müəyyən ediblər ki, maqnit stimullaşdırılması nikotinə olan həvəsi azaldır və nəticədə siqareti tərgitməyə kömək edir.