Psixoloq Yelena Sutulova müsahibəsində sosial şəbəkələrdən imtinanın stressdən qaçmaq və psixi sağlamlığımızı yaxşılaşdırmaqda bizə necə kömək edə biləcəyi barədə fikirlərini bölüşüb.

Aztibb.az Neprosto.fun onlayn nəşrinə istinadən xəbər verir ki, mütəxəssisin sözlərinə görə, müasir dünyada sosial şəbəkələr həyatımızın ayrılmaz hissəsinə çevrilsə də, biz çox vaxt onların psixikamıza təsirini dərk etmirik:

“Onlar bizə daim digər insanlarla əlaqə saxlamaq, məlumat, foto və video paylaşmaq imkanı verir. Lakin
anlamaq lazımdır ki, sosial şəbəkələr başqaları ilə daimi təmas illüziyası yaradır, çox vaxt təklik və aşağılıq hisslərinə səbəb olur”.

Psixoloq qeyd edib ki, sosial şəbəkədə tanışlar dostlar, məşhurların və s.gündəlik həyatını izlədikcə biz daim öz həyatımızı onların həyatı ilə müqayisə edirik, onların uğurlarını və sevincli anlarını görürük ki, bu da bizdə narazılıq və paxıllıq hissi yarada bilər.

Digər yandan sosial şəbəkələrdə əlaqə yaratmağa çalışanlar özünü evdə, ailədə tapa bilmədiyi üçün, ünsiyyətini sosial şəbəkədə axtarır. Virtual ünsiyyət isə insana heç vaxt doğmalıq, səmimilik təskinliyini və istiliyini verə bilmir. Bundan sonra aqressiya, həssaslıq, stress gəlir.