Oktyabrın əvvəlində, ayın ilk cümə günü dünyada Ümumdünya Gülüş Günü qeyd olundu.

Aztibb.az actualnews.org-a istinadən xəbər verir ki, psixiatr və homeopat Dmitri Popov müsahibəsində təbəssümün insan orqanizminə müsbət təsirinə dair altı əsas səbəbə diqqət çəkib.

Birincisi, gülümsəmək sevinc hormonlarının, o cümlədən yüngüllük hissi verən endorfin istehsalını stimullaşdırır.

İkincisi, təbəssüm həmişə səmimi olmasa da, özünə inam verir.

Üçüncüsü, gülümsəmək immunitet sistemini gücləndirir, xəstəliklərdən qoruyur və hüceyrə fəaliyyətini dəstəkləyir.

Dördüncüsü, beyin fəaliyyətini stimullaşdırır, yaddaşı yaxşılaşdırır.

Beşincisi, təbəssüm, araşdırmalara görə ömrü yeddi ildən səkkiz ilə uzatmaqla əlaqələndirilir.

Altıncısı, gülümsəmək vərdişi bizim qavrayışımızı və başqaları ilə münasibətimizi dəyişə bilər.

Mütəxəssislər hətta gündə 300 dəfə gülümsəməyi məsləhət görürlər ki, bu da təxminən hər üç dəqiqədə bir dəfədir.