Malayziya havanın keyfiyyətinin pisləşməsi səbəbindən məktəbləri bağlamağa hazırlaşır. Bu barədə ölkənin Təbii Sərvətlər, Ekologiya və İqlim Dəyişiklikləri Nazirliyi məlumat yayıb.

Aztibb.az xəbər verir ki, “Reuters”in məlumatına görə, ölkənin 11 regionunda qeyri-sağlam hava keyfiyyəti indeksi qeydə alınıb.

Nazirlikdən verilən açıqlamada bildirilir ki, məktəblər və uşaq bağçaları havanın çirklənmə səviyyəsi 100-ə çatdıqda bütün açıq hava fəaliyyətini dayandırmalı, 200-ə çatdıqda isə bağlanmalıdır. Onun sözlərinə görə, ölkədə havanın keyfiyyətini yaxşılaşdırmaq üçün süni şəkildə yağış yağdırmaq planlaşdırılır.

Artıq ölkənin 11 regionunda qeyri-sağlam havanın çirklənməsi indeksi qeydə alınıb. Bundan əvvəl “New Straits Times” qəzeti Malayziyanın 15 məntəqəsində havanın qeyri-sağlam çirklənməsinin qeydə alındığını bildirmişdi. Nəşr yazır ki, ən yüksək göstərici Çerasda (164), Nilayda 163-ə çatıb, Malayziyanın yeni inzibati mərkəzi Putracayada isə 157-yə yüksəlib.

Havanın 0-dan 50-yə qədər çirklənməsi göstəriciləri yaxşı, 51-dən 100-ə qədər orta, 101-dən 200-ə qədəri qeyri-sağlam, 201-dən 300-ə qədəri sağlam olmayan, 300-dən yuxarı olan hər hansı göstərici isə təhlükəli sayılır.

Ötən həftə Malayziya hakimiyyəti qonşu İndoneziyada baş verən yanğınlar səbəbindən havasının çirklənməsinə görə bu ölkəni günahlandırıb. Eyni zamanda Cakarta tüstünün onun sərhədlərindən keçməsini inkar edib.