Braziliyanın Minas Gerais Federal Universitetində (UFMG) tədqiqatçılar cinsi disfunksiyaya qarşı Viaqra və digər dərmanların əvəzedicisini tapıblar. Qurumun saytında dərc olunan məqalədə bildirildiyi kimi, bu alternativ Phoneutria nigriventer hörümçəyinin zəhəridir.

Aztibb.az “EcoPravda” portalına istinadən xəbər veri ki, mütəxəssislərin bildirdiyinə görə, bu hörümçək Cənubi Amerikada çox təhlükəli qaçan hörümçək növüdür.

O, məməlilərdə uzunmüddətli ereksiyaya səbəb olan güclü toksinlər istehsal etməyə qadirdir. Bu vəziyyət həm də ürəkbulanma və mədə krampları ilə müşayiət olunur. Böyük dozada zəhər nekroz və bəzən penisin amputasiyasına səbəb olur.

Alimlər hörümçək zəhəri molekulunun sintetik versiyasını yaradıb və ona BZ371A adını veriblər. Hazırlanmış komponent siçanlar və siçovullar üzərində sınaqdan keçirilib. Məlum olub ki, belə qatqı ilə vurulan gel gəmiricilərin cinsi orqanlarına sürətli qan axınının baş verməsinə səbəb olub.

Tədqiqat nəticəsində BZ371A-nın azot oksidinin sərbəst buraxılmasına səbəb olduğunu və bu da öz növbəsində ereksiyanı stimullaşdırdığı müəyyən edilib.

Qeyd edək ki,Viagra kimi dərmanlar da eyni şəkildə hərəkət edir.

Bundan əlavə, hazırlanmış komponentlə müalicə diabet və yüksək qan təzyiqi olan siçovullara, eləcə də yaşlı heyvanlara zərər verməyib. Bu, dərmanın əks göstərişlərə görə Viaqra qəbul edə bilməyənlər üçün təhlükəsiz ola biləcəyini göstərir.