Toronto Universitetinin alimləri xərçəng şişlərinin inkişafının yeni mexanizmindən xəbərdar olublar. Məlum olub ki, hüceyrələr sağlam toxuma və orqanların formalaşması üçün lazım olan DNT stimulatorunu tutaraq şişin böyüməsini gücləndirə bilirlər.

Aztibb.az “EcoPravda”ya istinadən xəbər veri ki, araşdırmanın nəticələri “Nuclear Acids Research” jurnalında dərc olunub.

Tədqiqat nəticəsində xərçəng hüceyrələrində SOX2 genini aktivləşdirə biləcək DNT gücləndiricisini müəyyən etmək üçün genomik məlumatlar araşdırılıb. Bu gücləndirici, uşaqlıq yolu, ağciyər, döş və sidik kisəsi şişləri də daxil olmaqla bir çox xəstə şişlərində aşkar edilib.

Maraqlıdır ki, bu DNT gücləndiricisinin yenidən proqramlaşdırma mexanizmi DNT-nin zədələnməsi nəticəsində yaranan mutasiya deyil, genomun qapalı qalmalı olan açıq hissəsidir.

Həmçinin, laboratoriya sınaq borularında aparılan təcrübələr zamanı mütəxəssislər gücləndiricinin xərçəng hüceyrələrinin böyüməsini təhrik etdiyini aşkar ediblər. Onun çıxarılması şiş hüceyrələrinin sayının azalmasına gətirib çıxarıb. Beləliklə, xərçəngin müalicəsində yeni vektor qoyulub.