Nənə və babalar nəvələrinə qayğı, diqqət və məhəbbət bəsləyirlər. Eyni zamanda heç də hamı başa düşmür ki, uşaqlar da öz növbəsində yaşlı insanların sağlamlığını yaxşılaşdırırlar. Onların demans və depressiya riskləri azalır və ömürləri uzanır.

Aztibb.az doctorpiter.ru-ya istinadən xəbər verir ki, ekspertlərin tövsiyəsinə görə, əgər tez-tez uşaqlarınızı yaşlı qohumlara gətirmirsinizsə, bu düzəldilməlidir.

Valideynlərin işi çox olanda, balaca uşaqlarına baxacaq adam tapılmayanda köməyə nənə və babalar gəlir. Onlar nəvələrinin qayğısına qalır, onları əzizləyir, onlara bütün diqqət və qayğılarını göstərirlər.
Birincisi, yaşlı insanlar depressiyanın inkişaf riski altındadır. Çoxsaylı tədqiqatlar göstərir ki, bu xəstəliyin yayılması əmək qabiliyyətli yetkin əhali ilə müqayisədə nənə və babalar arasında 30% daha yüksəkdir. Yaşlı bir adam tək yaşayırsa, xüsusilə təhlükəlidir.

İkincisi, yaşlı insanlarda fiziki fəaliyyət əhəmiyyətli dərəcədə azalır. Onlar hər gün evdən çıxmırlar, televizorun qarşısında uzun müddət otura bilirlər və idmanla məşğul olanlar azdır. Beləliklə, əzələ-skelet sistemi, ürək, qan damarları və artıq çəki ilə bağlı problemlər ortaya çıxır.

Nəvələrlə ünsiyyət nəyə kömək edir?

- Ümumi rifahı yaxşılaşdırır;

- Daha çox hərəkət etmək imkanı yaranır;

- Yaddaşlarını qoruya bilirlər;

- Əhval-ruhiyyə yaxşı olur;

- Depressiya və Alzheimer xəstəliyi ehtimalı azalır;

- Təklik və erkən yaşlanma ilə mübarizə gedir.

Gənc nəsillə ünsiyyət yaşlılar üçün faydalıdır. O, təcrübə və biliklərin ötürülməsini təşviq edir və nənə və babaların psixoloji rifahını dəstəkləyir. Nəvələr aktiv olsalar, xüsusilə yaxşıdır: qaçırlar, tullanırlar, gəzintiyə çıxmağı xahiş edirlər - ümumiyyətlə, bütün uşaqlara yaraşdığı kimi, yerində oturmurlar. Bu cür asudə vaxt yaşlı adamı şənləndirir, diqqətini cəmləməyə başlayır, uşağı ilə daha çox gəzməyə çalışır. Bunun sayəsində əzələlər və sümüklər güclənir, ağciyərlərin və ürək-damar sisteminin vəziyyəti yaxşılaşır.

Nəbə və babalar üçün tövsiyə

Yeri gəlmişkən, nəvələr olmasa da, bu, bütün günü evdə oturmaq üçün səbəb deyil. Həftədə ən azı 150 dəqiqə fiziki fəaliyyətə vaxt ayırmaq lazımdır. Bu gəzinti, rəqs və ya gimnastika ola bilər. Ən çox bəyəndiyiniz fəaliyyəti seçin.

Altmışdan çox yaşınız olarasa, sağlamlığınızı necə qorumalısınız?

Altmışdan sonra həyat təzə başlayır, fikrini qəbul etməlisiniz. Ancaq artıq qırx və ya əlli yaşında davrandığınız kimi davranmağa dəyməz; sağlamlığınızı qorumağa və yüz il yaşamağa kömək edəcək yeni həyat qaydalarını inkişaf etdirməyin vaxtı gəldi. Yaxşı vərdişlər haqqında çox oxuyun.