Çinli tədqiqatçılar qaraciyərin bərpasında böyük rol oynayan immun hüceyrələri aşkar ediblər. Jilin Universitetinin alimlərinin kəşfi qaraciyər nekrozu ilə mübarizə üçün nəzərdə tutulmuş dərmanların əsası kimi istifadə edilə bilər.

Aztibb.az “Neva Today” internet qəzetinə istinadən xəbər verir ki, tədqiqat “eGastroenterology” jurnalında dərc olunub. Məqalədə xatırladılır ki, qaraciyər orqanizmin bir çox funksiyalarında mühüm rol oynayır və onun bərpasının əsas aspekti nekrotik lezyonların aradan qaldırılmasıdır. Bu yaxınlarda çinli tədqiqatçılar belə qənaətə gəliblər ki, bu prosesdə əsas rol xüsusi immun hüceyrələrin - monosit mənşəli makrofaqların (MoMF) olmasıdır.

MoMF qaraciyər zədələndikdə daxil olan ağ qan hüceyrələridir. Jilin Universitetində aşkar etdikləri kimi, qaraciyərin erkən bərpası zamanı monosit mənşəli makrofaqlar iltihabı artırır, lakin zaman keçdikcə onu yatırırlar. Bundan əlavə, MoMF digər qaraciyər hüceyrələri ilə də əlaqə saxlayır, nekrotik lezyonların məhvinə kömək edir.