Diyetoloq Merve Sena Nazlı qidalanmanın intellektin inkişafında çox əhəmiyyətli yeri olduğunu və uşaqlıqda formalaşan qidalanma vərdişlərinin yetkinliyin əsasını təşkil etdiyini, səhər yeməyi yeməyən uşaqlarda öyrənmə çətinliyi, diqqət dağınıqlığı, yorğunluq kimi əlamətlərin ola biləcəyini bildirib.

Aztibb.az cnnturk.com-a istinadən xəbər verir ki, mütəxəssis zəkanın inkişafında qidalanmanın çox əhəmiyyətli yer tutduğunu, beyin inkişafının ana bətnində başladığını və uşaqlıq dövründə də sürətlə davam etdiyini deyib.

Övladlarınızı sağlam qidalanma vərdişlərinə öyrədin

Bu səbəbdən diyetoloq uşaqlıqda qidalanmanın hamiləlik dövründə qidalanma qədər əhəmiyyətli olduğunu vurğulayaraq, qey edib ki, xüsusilə uşaqlıqda qidalanma sağlam olmalıdır.

Uşaqlıq dövründə formalaşan sağlam qidalanma vərdişləri nəinki yetkinlik üçün zəmin yaradır, həm də uşaqların məktəb müvəffəqiyyətinə və emosional-psixi-fiziki sağlamlığına təsir göstərir. Ona görə də övladlarınızın təkcə evdə deyil, günün çox hissəsini keçirdikləri məktəbdə də qidalanmasına imkan yaratmalıyıq. Həftədə iki dəfə omeqa 3 və balıq istehlakına diqqət yetirilməlidir.

Nahar çantasına diqqət

"Nahar qutusuna sağlam olmayan qidalar, şirniyyat məhsulları, qablaşdırılmış qidalar və s. qoymayın. İlk növbədə evdə səhər yeməyi yeməyiblərsə, məktəbə gedərkən səhər yeməyi ilə evdən çıxdıqlarına əmin olmalısınız. Səhər yeməyini yeməyən uşaqlarda öyrənmə çətinliyi, diqqət dağınıqlığı, yorğunluq kimi əlamətlər ortaya çıxır”.

Diyetoloq nümunə səhər yeməyi menyuları arasında yumurta, zeytun, qəhvəyi çörək, mövsümi tərəvəzlər, pendirli-tərəvəzli tost, toyuq ətli sendvic, 1 stəkan təzə sıxılmış portağal suyu, 1 stəkan süd, qoz, bal-bəhməzi məsləhət görüb.

Sümük inkişafının çox sıx olduğu bu dövrdə ayran, qatıq, pendir və südü laqeyd qoymayaraq onların kalsium qəbulunu artıra bilərsiniz. Meyvə şirələri və turşulu içkilər uşaqların diqqətini cəlb etdiyi üçün evdə təzə sıxılmış meyvə şirələrini özünüz hazırlaya bilərsiniz.

Təəssüf ki, piylənmə və insulin müqaviməti uşaqlıqda da tez-tez müşahidə olunur. Bu səbəbdən şokoladlı və şəkərli qidaların istehlakını azaltmaq üçün evdə az yağlı və şəkərlə hazırlaya biləcəyiniz meyvəli tort və peçenye kimi alternativləri daxil edə bilərsiniz. Həmçinin dərs dövründə su sərfiyyatı azala bilər, onlara su içməyi xatırlatmağa çalışaq.