Qərbi Afrika ölkələrindən olan Nigeriyada bu il vəba epidemiyasında ölənlərin sayı yüksəlib.
Aztibb.az haberturk.com-a istinadən xəbər verir ki,Nigeriya Xəstəliklərə Nəzarət Mərkəzi (NCDC) tərəfindən edilən açıqlamada, son bir ayda ölkənin 23 əyalətində 201 vəba hadisəsinin qeydə alındığı bildirilib.
Açıqlamada, yanvar ayından bu yana ölkədə 2 min 860 vəba hadisəsinin görüldüyü və epidemiya səbəbindən həyatını itirənlərin sayının 100-ə yaxınlaşdığı bildirilib.
“Vibrio” bakteriyasının törətdiyi, qida və su ilə yoluxan vəba ishala səbəb olur və orqanizmdə susuzluq yaradır.
Xəstəlik müalicə olunmazsa ölümcül ola bilər. Nigeriyada təmiz suyun olmaması ilə yanaşı, effektiv tibbi müdaxilənin olmaması xəstəlik və ölüm riskini artırır. Ölkədə malyariya, poliomielit, tif və meymun virusu kimi epidemiya xəstəliklərə də tez-tez rast gəlinir.
